سعودی انجینئرنگ کونسل نے بین الاقوامی سطح پر اپنی پیشہ ورانہ قبولیت کو مزید مستحکم کرنے کے لیے ایک اہم قدم اٹھایا ہے، جس کے تحت انہوں نے انٹرنیشنل پروفیشنل انجینئرز ایسوسی ایشن (IPEA) کے تعاون سے انٹرنیشنل انجینئرنگ الائنس (IEA) میں شمولیت اختیار کی ہے۔
یہ اقدام سعودی انجینئرنگ کے معیار کو عالمی سطح پر تسلیم کروانے اور حکمت عملی کے تحت منتخب کیا گیا ہے، جس سے ملک میں تکنیکی مہارت اور پیشہ ورانہ قابلیت کو ایک نیا جہت ملے گا۔
انٹرنیشنل انجینئرنگ الائنس ایک معروف بین الاقوامی ادارہ ہے جس میں دنیا کے مختلف براعظموں سے انجینئرنگ کے پیسہ ورانہ تنظیمیں شامل ہیں۔
اس ادارے کا بنیادی مقصد انجینئرنگ سے متعلقہ تعلیمی معیار کو بہتر بنانا، پیشہ ورانہ اعتراف کو فروغ دینا اور رکن ممالک کے مابین قابلیت و تجربے کے تبادلے کو آسان بنانا ہے۔ سعودی انجینئرنگ کونسل نے کہا ہے کہ اس رکنیت کے ذریعے سعودی انجینئرز اب عالمی معیار کے مطابق کام کرنے میں اہل ہوں گے اور ان کی پہچان بین الاقوامی سطح پر بڑھے گی۔
سیکرٹری جنرل انجینئر عبدالمحسن المجنونی نے اس کامیابی کو کونسل کی مسلسل کوششوں کا نتیجہ قرار دیتے ہوئے بتایا کہ IE A میں شمولیت مملکت کے پیشہ ورانہ انجنیئرنگ ڈھانچے کو عالمی سطح کے فریم ورکس کے ساتھ ہم آہنگ کرنے کے لیے ایک اہم سنگِ میل ہے۔
ان کے مطابق اس سے نہ صرف روابط مضبوط ہوں گے بلکہ سعودی انجینئرز کو عالمی سطح پر بہتر مواقع بھی میسر ہوں گے۔
سعودی عرب کی جانب سے IE A میں شمولیت Vision 2030 کے وسیع تر مقصد سے بھی مطابقت رکھتی ہے، جس میں معیاری تعلیم، اور معاشی و تکنیکی ترقی کا عزم شامل ہے۔ اس کے ذریعے، نہ صرف داخلی سطح پر انجنیئرنگ کے شعبے میں بہتری آئے گی، بلکہ سعودی ماہرین کو بین الاقوامی منصوبوں میں اشتراک اور سیاحت میں اضافے کے مواقع بھی حاصل ہوں گے۔