اسلام آباد:پاکستان نے افغانستان سےتاجکستان کی سرحد پر تین چینی شہریوں کے ہلاک ہونے والے حملے کی شدید مذمت کی ہے اور اسے "بزدلانہ دہشت گردانہ فعل” قرار دیا ہے۔ دفتر خارجہ کے ترجمان نے کہا کہ افغان سرزمین سے ہونے والی دہشت گردی انتہائی تشویشناک ہے اور ڈرون کے استعمال سے اس خطرے کی شدت واضح ہوتی ہے۔
ترجمان نے تاجکستان، چین اور متاثرہ خاندانوں کے ساتھ دلی ہمدردی کا اظہار کرتے ہوئے کہا کہ پاکستان چینی اور تاجک عوام کے دکھ کو بخوبی سمجھتا ہے، کیونکہ ملک خود افغان سرزمین سے دہشت گرد حملوں کا شکار رہا ہے۔
انہوں نے زور دیا کہ دہشت گرد گروہوں کی موجودگی اور افغان طالبان کی سرپرستی میں جاری کارروائیاں خطے کے امن کے لیے سنگین خطرہ ہیں، اور افغان سرزمین سے آپریٹ کرنے والے نیٹ ورکس کے خلاف عملی اور قابل تصدیق کارروائی ضروری ہے۔
پاکستان نے واضح کیا کہ وہ چین اور تاجکستان کے ساتھ علاقائی امن و سلامتی کے فروغ کے لیے تعاون جاری رکھے گا۔ یاد رہے کہ یہ حملہ تاجکستان کے جنوبی علاقوں میں ایک چینی کمپنی پر ڈرون کے ذریعے کیا گیا، جس میں تین چینی شہری ہلاک ہوئے