واشنگٹن: 5 نومبر سے امریکا میں ہونے والے صدارتی انتخابات میں انگلش کے ساتھ اردو میں بھی بیلٹ پیپرز دستیاب ہوں گے۔

بہت سی ریاستوں میں قبل از وقت ووٹنگ کا آغاز بھی ہوچکا ہے۔ 

امریکی میڈیا کے مطابق انتخابات میں انگلش کے ساتھ ساتھ اب اردوزبان میں بھی بیلٹ فراہم کیےجارہےہیں۔

اردو زبان میں بیلٹ پیپرکی سہولت انگریزی زبان نہ سمجھنے والوں کے لیے ہے۔ کہا جا رہا ہے کہ امریکی قانون انگریزی نہ سمجھنے والوں کو بھی رائے دینےکا حق فراہم کرتا ہے۔ 

شکاگو بورڈ آف الیکشنز کے مطابق ہر پولنگ اسٹیشن پرٹچ اسکرین ووٹنگ مشین اور آڈیوبیلٹ بھی موجود ہوگی جب کہ شکاگو کے مختلف پولنگ اسٹیشنز پر اردو میں بھی بیلٹ پیپر دستیاب ہوں گے۔ 

شکاگو بورڈ آف الیکشن کایہ بھی کہنا ہے کہ ووٹ ڈالنے کے لیے ووٹرز اپنے ساتھ ترجمان بھی لاسکتے ہیں۔