امریکی سیاست میں ایک نئی بحث چھڑ گئی ہے جب نائب صدر جے ڈی وینس اور ٹرننگ پوائنٹ یو ایس اے کی سی ای او ایریکا کرک کی ایک تقریب کے دوران گلے ملنے کی ویڈیو تیزی سے وائرل ہو گئی۔ سوشل میڈیا پر وینس کی ازدواجی زندگی سے متعلق افواہیں گردش کرنے لگیں، یہاں تک کہ بعض صارفین نے ان کی طلاق اور ممکنہ دوسری شادی کی پیشگوئیاں بھی شروع کر دیں۔
یہ ویڈیو مسیسیپی یونیورسٹی میں ہونے والے ایک ایونٹ کے دوران بنائی گئی، جہاں ایریکا کرک نے اپنے مرحوم شوہر اور معروف قدامت پسند رہنما چارلی کرک کو خراجِ عقیدت پیش کرتے ہوئے کہا کہ کوئی میرے شوہر کی جگہ نہیں لے سکتا، مگر مجھے جے ڈی وینس میں ان کی کچھ مماثلت ضرور نظر آتی ہے
ان کے اس جملے کے فوراً بعد وینس اور کرک کے درمیان گلے ملنے کا لمحہ نہ صرف حاضرین بلکہ آن لائن ناظرین کے لیے بھی ایک گرم موضوع بن گیا۔ کچھ لوگوں نے اسے ایک جذباتی انسانی لمحہ قرار دیا، تو کئی ناقدین نے اسے سیاسی طور پر غیر مناسب اور غیر معمولی قربت سے تعبیر کیا۔
صورتحال اُس وقت مزید دلچسپ ہو گئی جب نیویارک ٹائمز کی بیسٹ سیلر مصنفہ شانن واٹس نے ایک متنازع پیشگوئی کرتے ہوئے سوشل میڈیا پر لکھا کہ جے ڈی وینس 2026 کے آخر تک ایریکا کرک سے شادی کریں گے،یہ پوسٹ دیکھتے ہی دیکھتے 85 لاکھ سے زائد مرتبہ دیکھی گئی اور امریکی میڈیا میں ایک نئی بحث کا آغاز ہو گیا
ایریکا کرک دراصل چارلی کرک کی بیوہ ہیں وہی قدامت پسند لیڈر جنہیں 11 ستمبر کو یوٹا یونیورسٹی میں ایک تقریر کے دوران گولی مار کر قتل کر دیا گیا تھا۔ چارلی کرک ٹرننگ پوائنٹ یو ایس اے کے بانی اورسابق امریکی صدر ڈونلڈ ٹرمپ کے قریبی ساتھیوں میں شمار ہوتے تھے۔
ایریکا کرک کے حالیہ بیانات اورجےڈی وینس کے ساتھ وائرل ویڈیو نے قدامت پسندحلقوں میں ایک نئی بحث چھیڑ دی ہے۔ کچھ مبصرین کا کہنا ہے کہ یہ صرف ایک جذباتی اظہار تھا، جبکہ دیگر کا خیال ہے کہ اس کے سیاسی اور ذاتی مضمرات آنے والے دنوں میں مزید نمایاں ہو سکتے ہیں۔
فی الحال نہ تو جے ڈی وینس اور نہ ہی ایریکا کرک کی جانب سے کسی رشتے یا افواہ کی تصدیق یا تردید کی گئی ہے، لیکن ان کا گلے ملنے کا وہ لمحہ بلاشبہ امریکی سیاست کا سب سے زیادہ زیرِ بحث منظر بن چکا ہے۔