اسرائیلی وزیر اعظم بنیامین نیتن یاہو قاہرہ کے لیے روانہ ہوگئے ہیں، جس سے حماس کے ساتھ جنگ بندی مذاکرات میں پیش رفت کے امکانات بڑھ گئے ہیں۔ یہ مذاکرات آئندہ چند روز میں غزہ میں جنگ بندی معاہدے کا باعث بن سکتے ہیں۔

دوسری جانب فلسطینی مزاحمتی تنظیم حماس نے کہا ہے کہ اگر اسرائیل اپنی نئی شرائط عائد کرنا بند کر دے تو جنگ بندی اور یرغمالیوں کی رہائی کا معاہدہ ممکن ہوسکتا ہے۔

واضح رہے کہ 7 اکتوبر 2023 سے جاری اسرائیلی جارحیت نے غزہ کو تباہی کے دہانے پر پہنچا دیا ہے۔ تازہ اعداد و شمار کے مطابق، اسرائیلی حملوں کے نتیجے میں 45 ہزار 59 فلسطینی شہید جبکہ 1 لاکھ 7 ہزار 41 زخمی ہوچکے ہیں۔ شہید اور زخمی ہونے والوں میں خواتین اور بچوں کی بڑی تعداد شامل ہے، جو اس انسانی المیے کی سنگینی کو مزید نمایاں کرتی ہے۔

نیتن یاہو کا قاہرہ کا یہ دورہ موجودہ کشیدگی کو کم کرنے اور جنگ زدہ علاقے میں انسانی مسائل کے حل کے لیے ایک اہم قدم سمجھا جا رہا ہے