ساجد نامی بزرگ شہری کی جانب سے وزیراعلیٰ پنجاب مریم نواز کے خلاف نامناسب زبان استعمال کرنے کے معاملے کی سماعت ماڈل ٹاؤن کچہری لاہور میں ہوئی، جس میں عدالت نے بزرگ شہری ساجد کو مقدمے سےبری کردیا۔
سماعت کے موقع پر پولیس نے بزرگ شہری کو گرفتار کرکے ماڈل ٹاؤن کچہری میں پیش کیا، جہاں عدالت کے حکم پر پولیس نے بزرگ شہری کی ہتھکڑیاں کھول کر رہا کردیا ۔
کیس کی سماعت جوڈیشل مجسٹریٹ نے پولیس کی درخواست پر سماعت کی ۔ واضح رہے کہ ساجد نامی شہری کے خلاف تھانہ گرین ٹاؤن پولیس نے مقدمہ درج کیا تھا۔
واضح رہے کہ مذکورہ شخص کو سوشل میڈیا پر موجود ایک مخصوص سیاسی جماعت کے کارکنان نے نہایت بڑھا چڑھا کر پیش کیا ہوا ہے۔ حکومت کے ناقدین اس کی گالی والی ویڈیو کو کافی زیادہ شئیر کر رہے ہیں۔
تاہم عدالت کی طرف سے تادیبی کاروائی کے بعد مذکورہ شخص کو مقدمے سے بری کرنے کا اعلان کردیا گیا ہے۔