غزہ سے آنے والے طالب علموں کو راوالپنڈی میڈیکل یونیورسٹی میں داخلہ دے دیا گیا۔ ان میں 11 طالبات اور 33  طلبہ شامل ہیں، یہ طلباء راولپنڈی میڈیکل یونیورسٹی میں اپنی تعلیم مکمل کریں گے۔

پاکستان آنے والے طالب علم  غزہ کی الازہر یونیورسٹی میں زیر تعلیم تھے۔ ازہر یونیورسٹی غزہ کے وائس چانسلر ڈاکٹر  یوسف الدین نے پاکستانی حکام سے طالب علموں کو  پاکستان منتقلی کی اپیل کی تھی۔

غزہ سے پاکستان آنے والے طلبا کو ڈاکٹر جہانگیر سرور، ڈاکٹر عمر اور ڈاکٹر رضوان تاج نے خوش آمدید کہا۔

پرنسپل راولپنڈی میڈیکل یونیورسٹی ڈاکٹر جہانگیر سرور  نے طلبا کو وائٹ کوٹ پہنائے۔

وائس چانسلر  راولپنڈی میڈیکل یونیورسٹی ڈاکٹر عمر  نے طلبا کے لیے نیک خواہشات کا اظہار کیا۔