راولپنڈی :پاکستان میں شدید سیلابی صورتحال کے پیش نظر، امریکہ نے سیلاب متاثرین کی مدد کے لیے فوری طور پر امدادی سامان بھیجا ہے۔ امریکی فوجی طیارے پر مشتمل امدادی سامان راولپنڈی کے نور خان ایئر بیس پہنچا، جس میں خیمے، پانی صاف کرنے والے پمپ، جنریٹرز اور دیگر ضروری سامان شامل تھا۔ امدادی سامان کی پہلی پرواز کو امریکی ناظم الامور نیٹلی بیکر اور پاک فوج کے افسران نے استقبال کیا۔
امریکی سفارتخانے کے ترجمان کے مطابق، نیٹلی بیکر نے سیلاب سے ہونے والے نقصانات پر گہرے دکھ کا اظہار کرتے ہوئے متاثرین سے ہمدردی کا پیغام دیا۔انہوں نے کہا امریکہ پاکستان کے سیلاب متاثرین کے ساتھ ہے اور ہم اس نازک وقت میں ان کی ہر ممکن مدد کرنے کے لیے تیار ہیں
یہ امدادی سامان آرمی سینٹرل کمانڈ کی جانب سے پاکستان بھیجا گیا ہے، جو سیلاب متاثرین کی فوری ضروریات کو پورا کرنے کے لیے ضروری سامان فراہم کرتا ہے۔پاکستان کے صوبے پنجاب میں گزشتہ چند ہفتوں سے شدید بارشوں اور بھارت کے ڈیموں سے پانی کے اخراج کے باعث سیلاب نے تباہی مچائی ہے۔ لاکھوں افراد بے گھر ہو چکے ہیں، گھروں، فصلوں اور وسائل کو بھاری نقصان پہنچا ہے۔
سندھ میں بھی سیلاب کا پانی پنجاب سے داخل ہو چکا ہے، اور حکومت نے وہاں بھی 16 لاکھ افراد کے متاثر ہونے کا تخمینہ لگایا ہے۔پاکستان کے مختلف حصوں میں متاثرین کیمپوں میں پناہ لینے پر مجبور ہیں، اور ان کی زندگیوں کو دوبارہ معمول پر لانے کے لیے عالمی امداد کی ضرورت ہے۔
پی ٹی سی ایل کی جانب سے جاری بیان میں کہا گیا ہے کہ امریکہ نے کل 6 پروازیں پاکستان بھیجنے کا اعلان کیا ہے، جن میں امدادی سامان کے علاوہ جیسے خیمے، صاف پانی کے پمپ، اور جنریٹرز شامل ہیں۔ یہ سامان پاکستان کے مختلف آرمی فلڈ ریلیف کیمپس میں منتقل کیا جائے گا، جہاں اسے متاثرین میں تقسیم کیا جائے گا۔
پاکستان کی حکومت اور عوام نے اس امداد کا خیرمقدم کیا ہے اور امریکی حکومت اور فوج کا شکر گزار ہیں۔ آئی ایس پی آر کی جانب سے کہا گیا کہ اس مشکل وقت میں عالمی برادری کی مدد پاکستان کے لیے بہت اہم ہے۔
حکومت نے کہا ہے کہ ان آزمائشی حالات میں پاکستان کو عالمی مدد کی سخت ضرورت ہے تاکہ وہ سیلاب متاثرین کی امداد کر سکے اور نقصانات کی بھرپائی کر سکے۔پاکستان کی حکومت نے خبردار کیا ہے کہ سندھ میں مزید اونچے درجے کا سیلاب آنے کی صورت میں صورتحال مزید بگڑ سکتی ہے۔
اس نازک وقت میں پاکستان کو شدید مالیاتی دباؤ کا سامنا بھی ہے، اور عالمی سطح پر امدادی سامان اور فنڈز کی فراہمی کی اہمیت مزید بڑھ گئی ہے۔سیلاب سے متاثرہ علاقوں میں فوری امداد پہنچانے کے لیے حکومت نے عالمی اداروں اور دوست ممالک سے درخواست کی ہے کہ وہ پاکستان کی مدد کریں۔