عالمی سطح پر سمارٹ سٹیز کی فہرست میں سعودی عرب کے مشرقی ریجن کے شہر الخبر کو 61 واں نمبر ملنا ایک بڑی کامیابی ہے۔
انٹرنیشنل انسٹی ٹیوٹ فار مینجمنٹ ڈیولپمنٹ (آئی ایم ڈی) کی حالیہ رپورٹ کے مطابق، الخبر کو اس فہرست میں شامل کیا گیا ہے جو سعودی عرب کے وژن 2030 کے تحت ترقیاتی اہداف کی تکمیل کے لیے ایک اہم سنگ میل ہے۔
یہ کامیابی سعودی عرب کی حکومت اور مشرقی ریجن کے ترقیاتی بورڈ کی مشترکہ کوششوں کا نتیجہ ہے، جس میں جدید ٹیکنالوجی کے استعمال کے ذریعے متعدد ترقیاتی منصوبوں پر عمل درآمد کیا گیا ہے۔
خبر شہر کی اس کامیابی کو خاص طور پر سیاحت کے حوالے سے بہت اہمیت دی جا رہی ہے، کیونکہ شہر میں متعدد سیاحتی مقامات موجود ہیں جو عالمی سطح پر سیاحوں کی توجہ کا مرکز بنے ہیں۔
ان سیاحتی مقامات کی بدولت الخبر سیاحت کے شعبے میں ایک مثالی شہر کی حیثیت اختیار کر چکا ہے۔
عالمی سیاحوں کی بڑی تعداد نے اس شہر کو اپنے دوروں کے لیے منتخب کیا ہے، جس سے اس کی اہمیت میں مزید اضافہ ہوا ہے۔
مشرقی ریجن کے سیکریٹری انجینئر فہد الجبیر نے اس کامیابی کو شہر کی بھرپور ترقی اور اس میں کی جانے والی منصوبہ بندی کا نتیجہ قرار دیا۔
ان کا کہنا تھا کہ الخبر میں صحت کی سہولتیں، نقل و حرکت کی جدید سہولتیں، تفریحی اور تعلیمی سرگرمیوں کا بہترین انتظام شہر کو سمارٹ سٹیز کی فہرست میں شامل کرنے میں معاون ثابت ہوا ہے۔
الجبیر نے مزید کہا کہ اس کامیابی سے نہ صرف شہر کے شہریوں کا حوصلہ بڑھے گا، بلکہ ریجن کی بلدیہ، مختلف اداروں اور عوام کی مشترکہ کاوشوں کا بھی بڑا عمل دخل ہے۔
یہ ترقیاتی کامیابی سعودی وژن 2030 کی سمت میں ایک اور اہم قدم ثابت ہوئی ہے، جس میں سعودی عرب کی معاشی، سماجی، اور ٹیکنالوجی کے میدان میں جدید تبدیلیوں کو شامل کیا جا رہا ہے تاکہ عالمی سطح پر سعودی عرب کی پوزیشن کو مزید مستحکم کیا جا سکے۔