بلاول بھٹو زرداری اور شازیہ مری کے درمیان میڈیا ٹاک کے دوران ہونے والا مختصر مگر دلچسپ مکالمہ سوشل میڈیا پر توجہ کا مرکز بن گیا۔
یہ واقعہ اس وقت پیش آیا جب صحافیوں کی جانب سے ایک سوال کیا گیا، جس پر شازیہ مری نے جواب دینے کی کوشش کی۔ اس دوران بلاول بھٹو زرداری نے فوری طور پر کہا،
“میں نے آپ سے نہیں پوچھا۔”
بلاول بھٹو کے اس جملے کے بعد شازیہ مری نے فوری معذرت کرتے ہوئے کہا کہ وہ صرف وضاحت کر رہی تھیں۔ اس پر چیئرمین پیپلز پارٹی نے نسبتاً بلند آواز میں “تھینک یو” کہا، جس کی ویڈیو سوشل میڈیا پر تیزی سے وائرل ہوگئی۔
بعد ازاں بلاول بھٹو زرداری نے صحافی کے سوال کا جواب دیتے ہوئے کہا کہ “کوئی بھی مطالبہ کرنا ہر کسی کا حق ہے”، اور جمہوری نظام میں ہر فرد کو اپنی رائے دینے کی آزادی حاصل ہونی چاہیے۔
سیاسی مبصرین کے مطابق یہ واقعہ اگرچہ مختصر تھا، تاہم اس نے سیاسی حلقوں اور سوشل میڈیا صارفین کی توجہ اپنی جانب مبذول کرلی۔ بعض صارفین نے بلاول کے انداز کو سخت قرار دیا جبکہ کچھ نے اسے میڈیا گفتگو میں نظم و ضبط برقرار رکھنے کی کوشش کہا۔
ادھر سوشل میڈیا پر اس ویڈیو کے مختلف کلپس شیئر کیے جا رہے ہیں اور صارفین اس پر ملا جلا ردعمل دے رہے ہیں۔